14 август 16:00 сәғәттә "Урал" халыҡ сәнғәте галереяһында Башҡортостандың халыҡ рәссамы Рәмил Килмәмәтовтың фотокүргәҙмәһе асыласаҡ.
Килмәмәтов Рәмил Исмәғил улы — фоторәссам. Башҡортостан Республикаһының халыҡ рәссамы, Рәсәй Федерацияһының һәм Башҡорт АССР-ының атҡаҙанған мәҙәниәт хеҙмәткәре, Салауат Юлаев исемендәге дәүләт премияһы лауреаты. Уның ижады башҡорт фото сәнғәтендә ҙур урын биләй. Рәсәйҙә фото сәнғәте өлкәһендәге "башҡорт мәктәбе" төшөнсәһе уның ижады менән күҙаллана.
Рәмил Килмәмәтов яратҡан шөғөлөнә 40 йылдан ашыу ғүмерен бағышлай. Ошо дәүер эсендә ул фотоһүрәттәре менән Мәскәүҙә, Санкт-Петербургта, Астанала, Минскиҙа, Стамбулда, Анкарала, Ҡаһирәлә, Римда, Парижда, Дрезденда, Берлинда һәм башҡа төбәктәрҙә шәхси күргәҙмәләрен ҡуйып өлгөрә.
«О Башкортостане с любовью» фотокүргәҙмәһе 1 сентябргәсә дауам итәсәк.
Ойоштороусылар:
Башҡортостан Республикаһының Мәҙәниәт министрлығы,
Республика халыҡ ижады үҙәге, "Ағиҙел" республика фотоклубы, "Урал" халыҡ сәнғәте галереяһы.
