14 декабрҙә, Башҡорт теле көнөндә, "Тамға" I-cе Халыҡ-ара башҡорт милли костюмы оҫталары ярышы еңеүселәре билдәләнде.
Гран-при һәм 300 мең һумлыҡ сертификатҡа "Мәргән уҡсы" КАО етәксеһе Юлай Ғәлиуллин лайыҡ булды. Автор ярышта олоҫ старшинаһы костюмын тәҡдим иткәйне.
"Автор костюмы" (Роза Юлдашбаева), "Башҡорт милли костюмы-ҡайтанан тергеҙеү" (Роберт Хәмиҙуллин), "Башҡорт милли биҙәүестәре" (Рөстәм Дәүләтов), "Башҡорт милли костюмы аксессуарҙары" (Гөлдәр Шәбиева) номинацияларында иң-иңдәр лайыҡлы баһа алды. Һәр еңеүсе 100 меңлек аҡсалата сертификат менән бүләкләнде.
