Бөгөн Ишембай ҡалаһында Ҡала көнөн байрам итеү сиктәрендә III «Ретро-шлягер» халыҡ-ара вокал башҡарыусылар конкурсы еңеүселәрен бүләкләү һәм Гала-концерт үтте.
Проект Башҡортостан Республикаһының бренд саралары исемлегенә инә. Быйыл конкурста Башҡортостан Республикаһынан ғына түгел, Ырымбур һәм Төмән өлкәләренән, шулай уҡ Мәскәү ҡалаһынан 70-тән ашыу башҡарыусы һәм ижади коллектив ҡатнашты.
Конкурс тарихында тәүге тапҡыр Ҡаҙағстан, Үзбәкстан (Ҡарағалпаҡстан), шулай уҡ Ангола һәм Конго республикаларынан ҡатнашыусылар үҙҙәренең йырҙарын тәҡдим итте.
Еңеүселәрҙе бүләкләү сараның төп сәхнәһендә - яңыртылған Башҡорт нефтен тәүге асыусылар майҙанында ойошторолдо. Уларҙың һәр береһе иҫтәлекле һәм ҡиммәтле бүләктәр алды.
Байрам Гала-концерт һәм ретро дискотека менән тамамланды.
