Баш ҡаланың Конгресс хол бинаһында төрлө милләт халыҡтарын берләштергән хор, йыр, фольклор коллективтары, бейеү ансамблдәре, оркестрҙар, инструменталь ансамблдәр, цирк коллективтары ҡатнашлығында "Дуҫлыҡ гөлләмәһе" тип аталған фестивалдең Гала-концерты үтте.
Быйылғы ижади марафон 2020 йылда үтәсәк Бөтә донъя фольклориадаһына әҙерлек тә булып тора.
Республика үҙешмәкәр художество халыҡ коллективтарын ҙур сәхнәгә сығарырға булышлыҡ иткән фестивалдә ҡатнашыусылар йылдан-йыл арта бара.
Республика халыҡ ижады үҙәге белгестәре 6 меңдән ашыу сығышты ҡарай, уларҙа 20 меңдән ашыу һәүәҫкәр артист ҡатнаша.
Тамашасы иғтибарына фойела халыҡ оҫталарының биҙәү-ҡулланма сәнғәте өлгөләренән күргәҙмә тәҡдим ителде.