Благовар районы Мирный ауылында яңыртылған Мәҙәниәт йортон асыу тантанаһы үтте. Мәҙәниәт усағы 1960 йылдан алып үҙ эшмәкәрлеген алып бара. 2020 йылда «Мәҙәниәт» милли проекты сиктәрендә бинала капиталь ремонт үткәреү һәм матди-техник базаһын булдырыу маҡсатынан 6 миллион һум бүленде.
«Мәҙәниәт» милли проектты тормошҡа ашырғанға күрә ауыл мәҙәниәт йортонда бар шарттар ҙа булдырылған. Яңыртылған матди-техник база йәш кадрҙар йәлеп итеү өсөн нигеҙ булып торасаҡ. Шулай уҡ бар бина тулыһынса йыһазландырылды, кәрәкле аппаратура, сәхнә кейемдәре алынды.
Мәҙәниәт йорто белгестәре ышана, мәҙәниәт үҙәгенең тышҡы һәм эске ҡиәфәтен яңыртыу төрлө йәштәге кешеләрҙе һәм социаль төркөмдәрҙе йәлеп итәсәк.