24 мартта Өфөлә «Театраль Волга буйы» округ фестивале сиктәрендә проект финалисттары театр факультеты студенттары менән осрашасаҡ. «Театр - профессиональ һәм һәүәҫкәр... » исеме аҫтында ижади осрашыу Заһир Исмәғилев исемендәге Өфө сәнғәт институтының Ғ.Ғиләжев исемендәге уҡыу театрында уҙасаҡ.
Програма буйынса Бәләбәй ҡалаһының «Браво» студияһы менән «Арлекин» студияһының өлгөлө театры ҡатнашыусыларының Салауат ҡалаһынан сәнғәт оҫталары, театр факультеты уҡытыусылары һәм актерлыҡ оҫталығы III курс студенттары менән аралашыу ҡаралған.
Аралашыу һәүәҫкәр театрҙарҙың режиссерҙары ижади ҡаҙаныштар, һәүәҫкәр театрҙың спектаклен булдырыу, ижади коллективта шәхес тәрбиәләү хаҡында буласаҡ. Шулай уҡ, осрашыу барышында финалға үтеүсе театрҙар үҙ репертуарынан өҙөктәр күрһәтәсәк.
Сарала ҡатнашыусылар өсөн жюри ағзалары Фәрдүнә Ҡасимова, Зиннур Сөләймәнов, Әхтәм Абушахманов, Сара Бурнбаева, Олег Ханов һәм Таңулпан Бабичева оҫталыҡ дәрестәре ойоштороу планлаштырыла.
«Театраль Волга буйы» проектының финалы 27 мартта, Халыҡ-ара театр көнөндә уҙасаҡ. Округ йәмәғәт проектына йомғаҡ яһауҙы фестивалдең YouTube-каналында һәм театральноеприволжье.рф. сайтында ҡарарға мөмкин буласаҡ.